Shaxsga doir ma’lumotlarga ishlov berish siyosati

1.1. Shaxsga doir ma’lumotlarga ishlov berish bo‘yicha ushbu siyosat O‘zbekiston Respublikasining 2019-yil 2-iyuldagi “Shaxsga doir ma’lumotlar to‘g‘risida”gi O‘RQ-547-sonli Qonuni (keyingi o‘rinlarda – Shaxsga doir ma’lumotlar to‘g‘risidagi qonun) talablariga muvofiq tuzilgan bo‘lib, Qozog‘iston Respublikasi qonunchiligiga binoan ro‘yxatdan o‘tgan “PBN Sentral Aziya” MChSh (keyingi o‘rinlarda – Operator) tomonidan shaxsga doir ma’lumotlarga ishlov berish tartibini hamda shaxsga doir ma’lumotlar xavfsizligini ta’minlash choralarini belgilaydi.

1.2. Operator shaxsga doir ma’lumotlarga ishlov berishda inson va fuqaroning huquq va erkinliklariga rioya qilishni, shu jumladan shaxsiy hayot daxlsizligi, shaxsiy va oilaviy sir huquqlarini himoya qilishni o‘z faoliyatini amalga oshirishning eng muhim maqsadi va sharti deb biladi.

1.3. Operatorning shaxsga doir ma’lumotlarga ishlov berishga oid ushbu siyosati (keyingi o‘rinlarda – Siyosat) Operator https://shesnext.uz/ veb-sayti tashrifchilari haqida olishi mumkin bo‘lgan barcha ma’lumotlarga nisbatan qo‘llaniladi.

2.1. Shaxsga doir ma’lumotlarga avtomatlashtirilgan tarzda ishlov berish — hisoblash texnikasi vositalari yordamida shaxsga doir ma’lumotlarga ishlov berish.

2.2. Shaxsga doir ma’lumotlarni bloklash — shaxsga doir ma’lumotlarga ishlov berishni vaqtincha to‘xtatib turish (shaxsga doir ma’lumotlarga aniqlik kiritish uchun ishlov berish zarur bo‘lgan hollar bundan mustasno).

2.3. Veb-sayt — grafik va axborot materiallari, shuningdek, EHM uchun dasturlar va ma’lumotlar bazalari majmui bo‘lib, ularning internet tarmog‘ida tarmoq manzili bo‘yicha mavjudligini ta’minlaydi: https://shesnext.uz/.

2.4. Shaxsga doir ma’lumotlar axborot tizimi — ma’lumotlar bazalarida mavjud bo‘lgan shaxsga doir ma’lumotlar hamda ularga ishlov berishni ta’minlovchi axborot texnologiyalari va texnik vositalar majmui.

2.5. Shaxsga doir ma’lumotlarni shaxssizlantirish — qo‘shimcha axborotdan foydalanmasdan shaxsga doir ma’lumotlarning muayyan bir Foydalanuvchiga yoki shaxsga doir ma’lumotlarning boshqa subyektiga tegishliligini aniqlash imkonini bermaydigan harakatlar.

2.6. Shaxsga doir ma’lumotlarga ishlov berish — shaxsga doir ma’lumotlarni yig‘ish, yozib olish, tizimlashtirish, to‘plash, saqlash, aniqlik kiritish (yangilash, o‘zgartirish), chiqarib olish, foydalanish, uzatish (tarqatish, taqdim etish, kirishni taqdim etish), shaxssizlantirish, bloklash, o‘chirish, yo‘q qilish kabi harakatlarni (operatsiyalarni) avtomatlashtirish vositalaridan foydalangan holda yoki bunday vositalardan foydalanmasdan amalga oshirishga qaratilgan har qanday harakat (operatsiya) yoki harakatlar (operatsiyalar) majmui.

2.7. Operator — shaxsga doir ma’lumotlarga mustaqil ravishda yoki boshqa shaxslar bilan birgalikda ishlov berishni tashkil etadigan va (yoki) amalga oshiradigan, shuningdek, shaxsga doir ma’lumotlarga ishlov berish maqsadlarini, ishlov berilishi kerak bo‘lgan shaxsga doir ma’lumotlar tarkibini, shaxsga doir ma’lumotlar bilan bajariladigan harakatlarni (operatsiyalarni) belgilaydigan davlat organi, munitsipal organ, yuridik yoki jismoniy shaxs.

2.8. Shaxsga doir ma’lumotlar — https://shesnext.uz/ veb-saytining aniqlangan yoki aniqlanayotgan Foydalanuvchisiga bevosita yoxud bilvosita aloqador bo‘lgan har qanday axborot.

2.9. Shaxsga doir ma’lumotlar subyekti tomonidan tarqatishga ruxsat etilgan shaxsga doir ma’lumotlar — “Shaxsga doir ma’lumotlar to‘g‘risida”gi Qonunda nazarda tutilgan tartibda, tarqatish uchun ruxsat etilgan shaxsga doir ma’lumotlarga ishlov berishga rozilik berish orqali shaxsga doir ma’lumotlar subyekti tomonidan cheklanmagan doiradagi shaxslarga kirish taqdim etilgan shaxsga doir ma’lumotlardir (keyingi o‘rinlarda — tarqatish uchun ruxsat etilgan shaxsga doir ma’lumotlar).

2.10. Foydalanuvchi — https://shesnext.uz/ veb-saytining har qanday tashrifchisi.

2.11. Shaxsga doir ma’lumotlarni taqdim etish — shaxsga doir ma’lumotlarni muayyan shaxsga yoki muayyan shaxslar doirasiga oshkor qilishga qaratilgan harakatlardir.

2.12. Shaxsga doir ma’lumotlarni tarqatish — shaxsga doir ma’lumotlarni noaniq doiradagi shaxslarga oshkor qilishga (shaxsga doir ma’lumotlarni uzatish) yoki cheklanmagan doiradagi shaxslarni shaxsga doir ma’lumotlar bilan tanishtirishga qaratilgan har qanday harakatlar, jumladan, shaxsga doir ma’lumotlarni ommaviy axborot vositalarida e’lon qilish, axborot-telekommunikatsiya tarmoqlarida joylashtirish yoki shaxsga doir ma’lumotlardan boshqa har qanday usulda foydalanish imkoniyatini berishdir.

2.13. Shaxsga doir ma’lumotlarni transchegaraviy uzatish — shaxsga doir ma’lumotlarni xorijiy davlat hududiga, xorijiy davlatning hokimiyat organiga, xorijiy jismoniy yoki yuridik shaxsga uzatishdir.

2.14. Shaxsga doir ma’lumotlarni yo‘q qilish — shaxsga doir ma’lumotlarning axborot tizimida ularning mazmunini keyinchalik tiklash imkoniyatisiz qaytarib bo‘lmaydigan tarzda yo‘q qilinishiga va (yoki) shaxsga doir ma’lumotlarning moddiy tashuvchilari yo‘q qilinishiga olib keladigan har qanday harakatlar.

3.1. Operator quyidagi huquqlarga ega:

3.1.1. shaxsga doir ma’lumotlar subyektidan ishonchli ma’lumotlarni va/yoki shaxsga doir ma’lumotlarni o‘z ichiga olgan hujjatlarni olish;

3.1.2. shaxsga doir ma’lumotlar subyektining roziligi bo‘lgan taqdirda, uchinchi shaxslarga o‘tkazish yo‘li bilan uning shaxsga doir ma’lumotlariga ishlov berishni faqat notijorat maqsadlarda, ya’ni https://shesnext.uz/ veb-saytini va u bilan bog‘liq loyihalarni ilgari surish uchun amalga oshirish.

3.1.3. shaxsga doir ma’lumotlar subyekti o‘z ma’lumotlariga ishlov berishga bergan roziligini chaqirib olsa, shuningdek, ma’lumotlarga ishlov berishni to‘xtatish talabi bilan murojaat yuborsa, Operator “Shaxsga doir ma’lumotlar to‘g‘risida”gi Qonunda ko‘rsatilgan asoslar mavjud bo‘lganida ma’lumotlarga subyektning roziligisiz ishlov berishni davom ettirishga haqli;

3.1.4. agar “Shaxsga doir ma’lumotlar to‘g‘risida”gi Qonun yoki boshqa qonunlarda o‘zgacha qoida nazarda tutilmagan bo‘lsa, “Shaxsga doir ma’lumotlar to‘g‘risida”gi Qonun va unga muvofiq qabul qilingan me’yoriy-huquqiy hujjatlarda nazarda tutilgan majburiyatlarning bajarilishini ta’minlash uchun zarur va yetarli bo‘lgan chora-tadbirlar tarkibi va ro‘yxatini mustaqil ravishda belgilash.

3.2. Operatorning majburiyatlari:

3.2.1. shaxsga doir ma’lumotlar subyektiga uning iltimosiga binoan shaxsga doir ma’lumotlariga ishlov berishga oid axborotni taqdim etish;

3.2.2. O‘zbekiston Respublikasining amaldagi qonunchiligida belgilangan tartibda shaxsga doir ma’lumotlarga ishlov berishni tashkil etish;

3.2.3. “Shaxsga doir ma’lumotlar to‘g‘risida”gi Qonun talablariga muvofiq shaxsga doir ma’lumotlar subyektlari va ularning qonuniy vakillarining murojaatlari hamda so‘rovlariga javob berish;

3.2.4. shaxsga doir ma’lumotlar subyektlarining huquqlarini himoya qilish bo‘yicha vakolatli organga ushbu organning so‘roviga ko‘ra zarur axborotni so‘rov olingan kundan e’tiboran 10 kun ichida ma’lum qilish;

3.2.5. shaxsga doir ma’lumotlarga ishlov berishga oid mazkur Siyosatni e’lon qilish yoki boshqa yo‘l bilan unga cheklanmagan tarzda kirishni taqdim etish;

3.2.6. shaxsga doir ma’lumotlarni ularga g‘ayriqonuniy yoki tasodifiy kirishdan, yo‘q qilish, o‘zgartirish, bloklash, nusxa ko‘chirish, taqdim etish, tarqatishdan, shuningdek shaxsga doir ma’lumotlarga nisbatan boshqa g‘ayriqonuniy harakatlardan himoya qilish uchun huquqiy, tashkiliy va texnik choralarni ko‘rish;

3.2.7. “Shaxsga doir ma’lumotlar to‘g‘risida”gi Qonunda nazarda tutilgan tartibda va hollarda shaxsga doir ma’lumotlarni uzatishni (tarqatish, taqdim etish, kirishni taqdim etish) to‘xtatish, shaxsga doir ma’lumotlarga ishlov berishni to‘xtatish va ularni yo‘q qilish;

3.2.8. “Shaxsga doir ma’lumotlar to‘g‘risida”gi Qonunda nazarda tutilgan boshqa majburiyatlarni bajarish.

4.1. Shaxsga doir ma’lumotlar subyektlari quyidagi huquqlarga ega:

4.1.1. O‘zbekiston Respublikasi qonunlarida nazarda tutilgan hollardan tashqari, o‘zining shaxsga doir ma’lumotlariga ishlov berilishiga oid ma’lumotlarni olish. Ma’lumotlar shaxsga doir ma’lumotlar subyektiga Operator tomonidan qulay va tushunarli shaklda taqdim etiladi hamda ularda boshqa shaxsga doir ma’lumotlar subyektlariga oid shaxsga doir ma’lumotlar bo‘lmasligi kerak, bunday ma’lumotlarni oshkor etish uchun qonuniy asoslar mavjud bo‘lgan hollar bundan mustasno. Axborotlar ro‘yxati va ularni olish tartibi “Shaxsga doir ma’lumotlar to‘g‘risida”gi qonun bilan belgilangan;

4.1.2. agar shaxsga doir ma’lumotlar to‘liqsiz, eskirgan, noaniq, qonunga xilof ravishda olingan yoki ishlov berishning belgilangan maqsadi uchun zarur bo‘lmasa, Operatordan o‘zining shaxsga doir ma’lumotlariga aniqlik kiritishni, ularni bloklashni yoki yo‘q qilishni talab qilish, shuningdek, o‘z huquqlarini himoya qilish bo‘yicha qonunda nazarda tutilgan choralarni ko‘rish;

4.1.3. tovarlar, ishlar va xizmatlarni bozorda ilgari surish maqsadida shaxsga doir ma’lumotlarga ishlov berishda dastlabki rozilik shartini qo‘yish;

4.1.4. shaxsga doir ma’lumotlarga ishlov berishga rozilikni qaytarib olish, shuningdek, shaxsga doir ma’lumotlarga ishlov berishni to‘xtatish to‘g‘risida talabnoma yuborish;

4.1.5. Operatorning shaxsga doir ma’lumotlarga ishlov berishdagi g‘ayriqonuniy harakatlari yoki harakatsizligi ustidan shaxsga doir ma’lumotlar subyektlarining huquqlarini himoya qilish bo‘yicha vakolatli organga yoxud sud tartibida shikoyat qilish;

4.1.6. O‘zbekiston Respublikasi qonunchiligida nazarda tutilgan boshqa huquqlarni amalga oshirish.

4.2. Shaxsga doir ma’lumotlar subyektlari quyidagilarga majburdir:

4.2.1. Operatorga o‘zi haqidagi ishonchli ma’lumotlarni taqdim etish;

4.2.2. o‘zining shaxsga doir ma’lumotlariga aniqlik kiritilganligi (yangilanganligi, o‘zgartirilganligi) to‘g‘risida Operatorga xabar berish.

4.3. Operatorga o‘zi haqida ishonchsiz ma’lumotlarni yoxud shaxsga doir ma’lumotlarning boshqa subyekti to‘g‘risidagi ma’lumotlarni uning roziligisiz taqdim etgan shaxslar O‘zbekiston Respublikasi qonunchiligiga muvofiq javobgar bo‘ladi.

5.1. Shaxsga doir ma’lumotlarga ishlov berish qonuniy va adolatli asosda amalga oshiriladi.

5.2. Shaxsga doir ma’lumotlarga ishlov berish aniq, oldindan belgilangan va qonuniy maqsadlarga erishish bilan cheklanadi. Shaxsga doir ma’lumotlarni yig‘ish maqsadlariga mos kelmaydigan tarzda ularga ishlov berishga yo‘l qo‘yilmaydi.

5.3. Ishlov berilishi bir-biriga mos kelmaydigan maqsadlarda amalga oshiriladigan, shaxsga doir ma’lumotlarni o‘z ichiga olgan ma’lumotlar bazalarini birlashtirishga yo‘l qo‘yilmaydi.

5.4. Faqat ishlov berish maqsadlariga javob beradigan shaxsga doir ma’lumotlargagina ishlov berilishi kerak.

5.5. Ishlov berilayotgan shaxsga doir ma’lumotlarning mazmuni va hajmi e’lon qilingan ishlov berish maqsadlariga mos bo‘lishi lozim. Ishlov berilayotgan shaxsga doir ma’lumotlarning e’lon qilingan ishlov berish maqsadlariga nisbatan ortiqcha bo‘lishiga yo‘l qo‘yilmaydi.

5.6. Shaxsga doir ma’lumotlarga ishlov berishda ularning aniqligi, yetarliligi, zarur hollarda esa ishlov berish maqsadlariga nisbatan dolzarbligi ta’minlanadi. Operator to‘liq bo‘lmagan yoki noaniq ma’lumotlarni o‘chirish yoxud ularga aniqlik kiritish bo‘yicha zarur choralarni ko‘radi va/yoki ularning ko‘rilishini ta’minlaydi.

5.7. Shaxsga doir ma’lumotlarni saqlash, agar ularni saqlash muddati O‘zbekiston Respublikasi qonunchiligida, shaxsga doir ma’lumotlar subyekti taraf, manfaat oluvchi yoxud kafil bo‘lgan shartnomada belgilanmagan bo‘lsa, shaxsga doir ma’lumotlarga ishlov berish maqsadlari talab qilganidan ortiq bo‘lmagan muddatda shaxsga doir ma’lumotlar subyektini identifikatsiyalash imkonini beradigan shaklda amalga oshiriladi. Agar O‘zbekiston Respublikasi qonunchiligida boshqacha qoida nazarda tutilmagan bo‘lsa, ishlov berilayotgan shaxsga doir ma’lumotlar ishlov berish maqsadlariga erishilgach yoki bu maqsadlarga erishish zarurati yo‘qolganda yo‘q qilinadi yoxud shaxssizlantiriladi.

Ishlov berish maqsadi

• Foydalanuvchiga “She’s Next” tashabbusi veb-saytida (keyingi o‘rinlarda – Tanlov) joylashgan servislardan, ma’lumotlardan va/yoki materiallardan foydalanish imkoniyatini taqdim etish, Tanlov qadriyatlari va manfaatlarini ilgari surish

Shaxsga doir ma’lumotlar

• Familiyasi, ismi, otasining ismi
• Elektron pochta manzili
• Telefon raqami
• Fotosuratlar
• Yuridik shaxs va yakka tartibdagi tadbirkorning identifikatsiya raqami (STIR)
• Jismoniy shaxsning shaxsiy identifikatsiya raqami (JSHSHIR)
• Tanlovni o‘tkazish uchun zarur bo‘lgan kompaniya ma’lumotlari va boshqa axborot

Huquqiy asoslar

• O‘zbekiston Respublikasining 2019-yil 2-iyuldagi “Shaxsga doir ma’lumotlar to‘g‘risida”gi O‘RQ-547-sonli Qonuni

Shaxsga doir ma’lumotlarga ishlov berish turlari

• Shaxsga doir ma’lumotlarni yig‘ish, yozib olish, tizimlashtirish, to‘plash, saqlash, yo‘q qilish va shaxssizlantirish
• Elektron pochta manziliga/telefon raqamiga axborot xatlarini yuborish
• Tanlovda ishtirok etish bilan bog‘liq shaxsga doir ma’lumotlar va boshqa materiallardan reklama ma’lumotlarini tarqatishda muddati va hududi cheklanmagan tarzda hamda bunday foydalanish uchun hech qanday haq to‘lamasdan foydalanish, shuningdek, Tanlov manfaatlarini ilgari surish va uni rivojlantirish maqsadida shaxsga doir ma’lumotlarni uchinchi shaxslarga notijorat maqsadlarda foydalanish uchun berish.

7.1. Shaxsga doir ma’lumotlarga ishlov berish shaxsga doir ma’lumotlar subyektining o‘z ma’lumotlariga ishlov berilishiga roziligi asosida amalga oshiriladi.

7.2. Shaxsga doir ma’lumotlarga ishlov berish O‘zbekiston Respublikasining xalqaro shartnomasida yoki qonunida nazarda tutilgan maqsadlarga erishish, shuningdek, operator zimmasiga O‘zbekiston Respublikasi qonunchiligi bilan yuklatilgan funksiyalar, vakolatlar va majburiyatlarni bajarish uchun zarurdir.

7.3. Shaxsga doir ma’lumotlarga ishlov berish odil sudlovni amalga oshirish, O‘zbekiston Respublikasining ijro ishi yuritish to‘g‘risidagi qonunchiligiga muvofiq ijro etilishi lozim bo‘lgan sud hujjatini, boshqa organ yoki mansabdor shaxsning hujjatini ijro etish uchun zarurdir.

7.4. Shaxsga doir ma’lumotlarga ishlov berish taraflardan biri yoxud foyda oluvchisi yoki kafili shaxsga doir ma’lumotlar subyekti bo‘lgan shartnomani bajarish uchun, shuningdek, shaxsga doir ma’lumotlar subyektining tashabbusi bilan yoki shaxsga doir ma’lumotlar subyekti foyda oluvchi yoxud kafil bo‘ladigan shartnomani tuzish uchun zarurdir.

7.5. Shaxsga doir ma’lumotlarga ishlov berish operatorning yoki uchinchi shaxslarning huquqlari va qonuniy manfaatlarini amalga oshirish yoxud ijtimoiy ahamiyatga molik maqsadlarga erishish uchun zarur bo‘lib, bunda shaxsga doir ma’lumotlar subyektining huquq va erkinliklari buzilmasligi shart.

7.6. Shaxsga doir ma’lumotlar subyekti tomonidan yoki uning iltimosiga ko‘ra cheklanmagan doiradagi shaxslarga foydalanish uchun taqdim etilgan shaxsga doir ma’lumotlarga (keyingi o‘rinlarda — umumfoydalanishdagi shaxsga doir ma’lumotlar) ishlov beriladi.

7.7. O‘zbekiston Respublikasi qonunchiligiga muvofiq e’lon qilinishi yoki majburiy tartibda oshkor etilishi kerak bo‘lgan shaxsga doir ma’lumotlarga ishlov beriladi.

8.1. Operator tomonidan ishlov beriladigan shaxsga doir ma’lumotlarning xavfsizligi shaxsga doir ma’lumotlarni himoya qilish sohasidagi amaldagi qonunchilik talablarini to‘liq hajmda bajarish uchun zarur bo‘lgan huquqiy, tashkiliy va texnik chora-tadbirlarni amalga oshirish orqali ta’minlanadi.

8.2. Operator shaxsga doir ma’lumotlarning saqlanishini ta’minlaydi va vakolatsiz shaxslarning shaxsga doir ma’lumotlardan foydalanishiga yo‘l qo‘ymaydigan barcha mumkin bo‘lgan choralarni ko‘radi.

8.3. Foydalanuvchining shaxsga doir ma’lumotlari hech qachon va hech qanday sharoitda uning roziligisiz uchinchi shaxslarga berilmaydi. Amaldagi qonunchilik ijrosi bilan bog‘liq hollar yoki shaxsga doir ma’lumotlar subyekti fuqarolik-huquqiy shartnoma bo‘yicha majburiyatlarni bajarish uchun ma’lumotlarni uchinchi shaxsga berishga Operatorga rozilik bergan hollar bundan mustasno.

8.4. Shaxsga doir ma’lumotlarda noaniqliklar aniqlangan taqdirda, Foydalanuvchi ularni Operatorning info@shesnext.uz elektron pochta manziliga “Shaxsga doir ma’lumotlarni yangilash” izohi bilan xabarnoma yuborish orqali mustaqil ravishda yangilashi mumkin.

8.5. Agar shartnomada yoki amaldagi qonunchilikda boshqa muddat nazarda tutilmagan bo‘lsa, shaxsga doir ma’lumotlarga ishlov berish muddati ushbu ma’lumotlar to‘plangan maqsadlarga erishilishi bilan belgilanadi.

Foydalanuvchi istalgan vaqtda Operatorning info@shesnext.uz elektron manziliga “Shaxsga doir ma’lumotlarga ishlov berishga rozilikni chaqirib olish” izohi bilan xabarnoma yuborish orqali shaxsga doir ma’lumotlarga ishlov berishga bergan o‘z roziligini chaqirib olishi mumkin.

8.6. Uchinchi tomon xizmatlari, jumladan, to‘lov tizimlari, aloqa vositalari va boshqa xizmat ko‘rsatuvchi provayderlar tomonidan to‘planadigan barcha axborot ushbu shaxslar (Operatorlar) tomonidan ularning Foydalanuvchi kelishuvi va Maxfiylik siyosatiga muvofiq saqlanadi hamda qayta ishlanadi. Shaxsga doir ma’lumotlar subyekti ushbu hujjatlar bilan tanishib chiqishi lozim. Operator uchinchi shaxslarning, shu jumladan ushbu bandda ko‘rsatilgan xizmat ko‘rsatuvchi provayderlarning harakatlari uchun javobgar emas.

8.7. Shaxsga doir ma’lumotlar subyekti tomonidan tarqatish uchun ruxsat berilgan shaxsga doir ma’lumotlarni uzatishga (taqdim etishdan tashqari), shuningdek ularga ishlov berish yoki ishlov berish shartlariga (ma’lumotlarni olishdan tashqari) qo‘yilgan taqiqlar, agar shaxsga doir ma’lumotlarga O‘zbekiston Respublikasi qonunchiligida belgilangan davlat, jamoat va boshqa ommaviy manfaatlarda ishlov berilsa, amal qilmaydi.

8.8. Operator shaxsga doir ma’lumotlarga ishlov berishda ularning maxfiyligini ta’minlaydi.

8.9. Agar shaxsga doir ma’lumotlarni saqlash muddati O‘zbekiston Respublikasi qonunchiligida, shartnomada (shaxsga doir ma’lumotlar subyekti uning tarafi, foyda oluvchisi yoki kafili bo‘lgan) belgilanmagan bo‘lsa, Operator shaxsga doir ma’lumotlarni ularga ishlov berish maqsadlari talab qiladigan muddatdan ortiq bo‘lmagan vaqt davomida shaxsga doir ma’lumotlar subyektini aniqlash imkonini beradigan shaklda saqlaydi.

8.10. Shaxsga doir ma’lumotlarga ishlov berishni to‘xtatish uchun quyidagilar shart bo‘lishi mumkin: ishlov berish maqsadlariga erishilganligi, shaxsga doir ma’lumotlar subyekti roziligining amal qilish muddati tugaganligi, subyekt tomonidan rozilikning chaqirib olinganligi yoki ishlov berishni to‘xtatish to‘g‘risidagi talab, shuningdek shaxsga doir ma’lumotlarga noqonuniy ishlov berilganligi holatining aniqlanishi.

9.1. Operator shaxsga doir ma’lumotlarni yig‘adi, yozib oladi, tizimlashtiradi, to‘playdi, saqlaydi, ularga aniqlik kiritadi (yangilaydi, o‘zgartiradi), ularni ajratib oladi, ulardan foydalanadi, ularni uzatadi (tarqatadi, taqdim etadi, ruxsat beradi), shaxssizlantiradi, bloklaydi, o‘chiradi va yo‘q qiladi.

9.2. Operator shaxsga doir ma’lumotlarga avtomatlashtirilgan tarzda, olingan axborotni axborot-telekommunikatsiya tarmoqlari orqali olish va/yoki berish yo‘li bilan yoki undan foydalanmasdan ishlov beradi.

10.1. Operator shaxsga doir ma’lumotlarni transchegaraviy uzatish bo‘yicha faoliyatni boshlashdan oldin shaxsga doir ma’lumotlar subyektlarining huquqlarini himoya qilish bo‘yicha vakolatli organni shaxsga doir ma’lumotlarni transchegaraviy uzatish niyati haqida xabardor qilishi shart (bunday xabarnoma shaxsga doir ma’lumotlarga ishlov berish niyati to‘g‘risidagi bildirishnomadan alohida yuboriladi).

10.2. Operator yuqorida ko‘rsatilgan xabarnomani yuborishdan oldin shaxsga doir ma’lumotlarni transchegaraviy uzatish rejalashtirilayotgan xorijiy davlatning hokimiyat organlaridan, xorijiy jismoniy shaxslardan, xorijiy yuridik shaxslardan tegishli ma’lumotlarni olishi shart.

11.1. Agar O‘zbekiston Respublikasi qonunchiligida boshqacha tartib nazarda tutilmagan bo‘lsa va/yoki shaxsga doir ma’lumotlar subyektlari bilan kelishilmagan bo‘lsa, Operator va shaxsga doir ma’lumotlardan foydalanish imkoniyatini qo‘lga kiritgan boshqa shaxslar ushbu ma’lumotlarni shaxsga doir ma’lumotlar subyektining roziligisiz uchinchi shaxslarga oshkor qilmasligi va tarqatmasligi shart.

12.1. Foydalanuvchi o‘z shaxsga doir ma’lumotlariga ishlov berishga oid qiziqtirgan savollari yuzasidan Operatorga info@shesnext.uz elektron pochta manzili orqali murojaat qilib, har qanday tushuntirishni olishi mumkin.

12.2. Ushbu hujjatda Operator tomonidan shaxsga doir ma’lumotlarga ishlov berish siyosatiga kiritiladigan har qanday o‘zgartirishlar aks ettiriladi. Siyosat yangi tahriri bilan almashtirilguniga qadar muddatsiz amal qiladi.

12.3. Siyosatning amaldagi tahriri Internet tarmog‘ida https://shesnext.uz/privacy manzilida erkin foydalanish uchun joylashtirilgan.